พริกชี้ฟ้ายัดไส้หมู อาหารเกาหลี














ไปที่ตลาดสี่มุมเมือง ไปเจอพริกชี้ฟ้าขนาดใหญ่มาก คนขายบอกว่ามาจากทางเหนือ ขนาดยาวประมาณ 6 - 8 นิ้ว ราคาขาย กก. ละ 45 บาท จัดการซื้อมา 1/2 กก. มาทำอาหารเกาหลี GO CHU JEON หรือ พริกชี้ฟ้ายัดไส้หมู ทานดีกว่า
ทำโดย นำพริกชี้ฟ้าไปผ่าครึ่ง ยัดไส้หมูสับปรุงรส ชุปไข่ นำไปทอด จิ้มด้วย น้ำจิ้มทำจากซีอิ้วเกาหลีและน้ำส้ม

สำหรับไส้พริก ตามตำรับเกาหลีแท้ เขาจะใช้เนื้อวัว แต่มาทำทานที่บ้านก็ดัดแปลงมาให้หมูสับแทน เพราะมีคนไม่ทานเนื้อวัว

หมูสับ ปรุงรส
- หมูสับ 1/2 กก.
- ไข่ 1 ฟอง
- แป้งมัน 1 ช้อน
- ขิงซอยละเอียด 1 - 2 ช้อน
- ต้นหอมซอย
- กระเทียมสับละเอียด 1 หัว
- ซีอิ้วญี่ปุ่น (โชยุ)
- น้ำมันงา 1 ช้อน
ไส้หมูสับปรุง จัดผ่าพริกตามยาว เอาแป้งสาลีทาด้านในพริก เพื่อให้ไส้หมูจับติดกับพริกไม่หลุดออกมาตอนทอดพริกที่ยัดไส้หมุสับแล้วเอาพริกยัดไส้ไปชุบแป้งสาลีก่อน เพื่อที่ให้ไข่จับติดกับพริกและหมูชุบไข่
ทอดพริกยัดไส้ในกระทะที่ใส่น้ำมันสูง 1 ซ.มยังมีหมูสับเหลืออยู่ เลยนำมาห่อด้วยใบชะพลูทอด ถ้าเป็นตำรับเกาหลี เขาจะห่อด้วยใบงา ที่บ้านมีต้นชะพลูขึ้นอยู่ ก็ใช้ใบชะพลูแทน
เอาแป้งสาลีทาใบชะพลูก่อน แล้วนำมาม้วนใส่ไส้หมูสับ ม้วนใบชะพลูรอบ พร้อมกับใช้ไม้จิ้มฟันยึดไว้นำไปชุบแป้งสาลีก่อนแล้วชุบไข่
แล้วนำไปทอดพริกยัดไส้หมูและใบชะพลูยัดไส้หมูในคราวเดียวกันน่าทานมากเลยครับ

น้ำจิ้ม
- ซีอิ้วญี่ปุ่น
- น้ำส้ม
- พริกป่นเกาหลี
- งาคั่ว

น้ำจิ้มสูตรที่แท้ก็ต้องใช้ซีอิ้วเกาหลี แต่ใช้ซีอิ้วญี่ปุ่น (โชยุ) แทน ที่ทำจะไม้ได้ใส่งาคั่ว (ไม่มี) และใช้พริกป่นไทยแทน(เผ็ดดี)
น้ำจิ้ม

แกงหวายใส่เครื่องในไก่









แกงหวายใส่เครื่องในไก่ เมนูแซบที่อยากบอกต่อ 
เว้าพื้นแกงหวาย พี่น้องบ้าน(มหา)เฮา กะคือสิพากันคุ้นเคยกันดีอยู่ดอกเนาะจ้า
บ่ว่าสิเป็นแกงหวายใส่หน่อไม้ แกงใส่ไก่บ้าน แกงใส่ซี่โครงหมู 

ขามป้อมกะแกงกินดู๋อยู่จ้าตะผัดขึ้นมาอยู่บ้านเฮา ไปนำตลาดบ้านนอกเฮาสิมีขายอยู่เรื่อยๆจ้า
ตะกี้เห็นแต่แม่ใหญ่เลามักคักจ้าแกงหวายนี่ ตอนเป็นเด็กน้อยกะบ่ค่อยมักนำเพิ่นดอกจ้ามันขม
แต่ว่าพอเฒ่าโอ๊ะ เวลาผ่านไป รู้สึกว่าสิกินผักกะเดาแซบ กินแกงหวายนัวแล้วกะกินบักลิ้นฟ้าได้แบบบ่มีปัญหา ฮ่าๆ

แกงหวายใส่เห็ด น้ำยานางข้นๆ ใส่ปลาแดกนัวๆ แซบจนว่าข้าวเบิดติบ อิอิ

แต่ว่าเมนูที่อยากนำเสนอมื้อนี้กะคือ "แกงหวายใส่เครื่องในไก่"

ขั้นตอนการเฮ็ดกะบ่ได้ยุ่งยากอิหยังดอกจ้า กะคือเฮาแกงหน่อไม้นั้นล่ะ
ได้หวายมากะมาปอกเปลือกที่มีหนามมันออก ขั้นตอนนี้อาจจิเจ็บปวดรวดร้าวมือแหน่จักหน่อย
แต่กะคุ้มค่าจ้า คันโชคดีไปพ้ออันเพิ่นแกะไว้แล้วกะดีไปจ้า แต่ว่ากะแกะกาบแก่ๆมันออกอีกรอบแหน่เด้อจ้า
ผู้แข่วบ่ดี กะจิหย่ำบ่ขาดซั่นดอกหวา เลือกเอาแต่ส่วนอ่อนๆ แช่น้ำไว้บ่ให้หวายดำจ้า

ในระหว่างนั้นกะไปหย่องน้ำยานางเตรียมไว้ ล้างเครื่องในไก่ให้สะอาดแล้วกะหั่นๆเป็นต่อนพอดีคำ

เอาเครื่องในไก่ใส่หม้อรวนกับ พริกแห้ง ตะไคร้ หัวหอมแดง เกลือ ที่ตำให้เข้ากัน
รวนจนว่าเครื่องในไก่เปลี่ยนสีแล้วกะมีกลิ่นหอม (ก่อนสิอ่อมหรือแกงอิหยังกะตามถ้าเฮ็ดสูตรนี้สิบ่มีกลิ่นคาว ยกเว้นปลา เฮ็ดสูตรนี้บ่ได้ มันจิมุ่น อิอิ)

จากนั้นเฮากะใส่น้ำยานางลงไป น้ำยานางเดือดใส่น้ำปลาแดก เหยาะชูรสจักหน่อย ใส่หวายกับลูกโดดลงไป

ช่วงที่ถ่าให้เครื่องในไก่สุกกับหวายนิ่ม เฮากะตำข้าวเบือให้แหลกเอาน้ำเปล่าคนบ่ให้ข้าวเบือเป็นก้อน ขามป้อมใช้น้ำยานางนิล่ะคนไปโลด
กะว่าในหม้อได้ที่แล้วกะเอาน้ำข้าวเบือเทลงไป ขั้นตอนนี้อย่าหนีไกลหม้อเด้อจ้า ให้เทียวคนดู๋ๆ เดี๋ยวข้าวเบือจิติดหม้อ อิอิ

ข้าวเบือสุกกะใส่ผักขากับผักอิตู่แล้วยกออกจากเตา พร้อมเสิร์ฟ
มาๆ พี่น้องพายติบข้าวลัดท่งมากินข้าวแลงซุมกันจ้า

มากินหมกปลาเซียมนำกานพี่น้อง












มากินหมกปลาเซียมนำกานพี่น้อง 
อาทิตย์ที่แล้วได่เมือบ้านก่าสินธุ์ เลยลงไปซื่อปลายูท่าปลาบ้านนาสีนวล-โสกทราย ขื่นจากเรือมาใหม่ๆกะได่ปลาเซียม(ปลาเนื้ออ่อน)มาโลสี่ขีด โตบ่ใหย่ปานได๋โลละร้อยรุ่นใหย่ๆสองสามโตโลกะโลละสองสามร้อย
กับได่ปลาหนังมาอีกโลหกขีด ปลาหนังโลละ ๗๐ บาท(ปลาหนังคือปลาบ่มีเกล็ดมีปลากด ปลาแขยง ปลาหลด ปลาหลาด ปลาหมู ปลาเซียมน้อย ฯลฯ)
กะเลยเลือกปลาเซียมน้อยจากกะมังปลาหนังออกมา กะได่หลายเติบยูบ่ได่กินหมกปลาเซียมมาโดนแล้ว
เลยจัดการตำกระเทียม พริกสด ตำพอเปลๆบ่ต้องแหลกหลาย ตะไคร้สิหั่นบางๆหรือสิตำนำกันกะได่ ใส่เกลือนำนิดหน่อย
หอมหัวแดงสิหั่นหรือสิทุบเอากะได่ มีหอมต้นกะใส่นำอีก เติมน้ำปลา ผงนัว และน้ำปลาแดก(น้ำปลาร้า)นำตามสูตรอิสานบ้านเฮา
สิ่งที่ขาดบ่ได่เวลาหมกปลาบ้านเฮากะคือ ผักอิตู คนให่ทั่วให่เข่ากันเทิงปลาเทิงเครือง
ก่อนหมกกะตัดใบตองกล้วยมาลนไฟให่ใบตองอ่อนก่อน(กันใบตองแตก)
จัดการย่างเทิงเตาถ่าน ก๋าว่าให้ไหม้ใบตองชั่นแรกเทิงสองด้าน 
เปิดออกหอมฮวยๆ หอมผักอิตู 
มาๆพี่น้องเทือนี่ ซีมได่แล้ว แซบคักๆเข่าเทียงมื้อนี่โดนๆได่กินเทือกะกินให่มันแซบๆคักๆโลด

อั่วกบ






อั่วกบ
มื่อนี่นำเสนอเมนูกบยัดอั่วหรือกบยัดไส้ครับ เริ่มจากคัวกบลอกหนังกบครับ

เครื่องปปรุงกะมี ข่า ขัวชิงไค ใบบักกรูด ผักคุณตู่ บักพริก กระเทียม หอม กบสับ ผงนัว เกลือ

เริ่มจากเอาส่วนหัว ขาแล้วกะเครื่องในกบมาสับ 

ตำเครื่องทุกอย่างให้แหลกแล้วใส่กบสับลงไปตำให้เข้ากันแล้วกะปรุงรส ขออภัยบ่อได้ถ่ายช่วงนี้ย้อนว่ามือเปลื้อน

ยัดเครื่องที่ตำเข้ากันแล้วลงในกบ จากนั้นกะเอาไปย่างไฟคับ

สุกแล้วครับมาลองเบิ่งว่าสุกแล้วเป็นแนวได๋

กินกับข้าวเหนียวฮ้อนๆแซบคักครับ

แกงเนื้อไส่บักอื๋อ แบบอีสาน









แกงเนื้อไส่บักอื๋อ แบบอีสาน
หลังจากห่างหายไปนานบ่อค่อยได้เ้ข้าครัวเฮ็ดแนวกินโดนแล้วเพราะยากนำเวียกนำงาน 
มื่อนี่ปลอดโปร่งเพราะได้หยุดหลายมื้อ ส่งข่าวไปทางปั้มบางจากกะเงียบ หมวดเหลืองกะ
มิดหาแนวกินก่อนนากะเลยไปตลาดนัดเลาะบ้านได้เนื้องัวกับบักอื๋อมาเปี่ยงหนึ่งลงมือเลย
ครับ
เอาเนื้องัวไส่หม้อตั้งไฟตำเครื่องปรุง พริก หอม กระเทียม ตะไคร่ ฉีกใบบักกูดไส่ล่งไป 
ปรุงรสชาดเลยครับ ไส่น้ำปลาร้า รสดี ผงนัว น้ำปลา แล้วกะเติมน้ำลงไปหน่อยหนึ่ง อย่า
ไส่น้ำหลายเด้อครับมันสิล่วงน้ำ
พอเนื้อสุกกะไส่บักอื๋อลงไปเลยครับ ให้เนื้อเปื่อยจักหน่อยเด้อครับจั่งสิยั่มง่าย
พอบักอื๋อเปื่อยกะไส่ผักคุณตู่ ต้นหอม ลงไป คนไห้บักอื๋อแตกน้ำแกงจั่งสิค้น
แล่วหล่ะครับแกงบักอื๋อไส่เนื้อ หอมหว่ยๆ แซบอีหลี เรื่องรสชาดถามจ่าเหลืองได้เลยครับเพิ่นการันตีความแซบครับ
เคล็ดลับเมนูนี้กะคือ เนื้อต้องติดมันนิดหน่อยครับ บักอื๋อต้องแก่จั่งสิมัน และที่ขาดบ่อได้กะคือผักอีตู่ครับ ขั้นบ่อไส่สิบ่อหอมน่ากินครับ

อาหารพื้นบ้านทางอิสานบ้านเฮาเอามาฝากคือเก่า







สำบายดีพี่น้อง 
มื้อนี้มีเมนูอาหารพื้นบ้านทางอิสานบ้านเฮาเอามาฝากคือเก่า
บ่สาธยายหลายควม เริ่มเข้าครัวกันเลยหลังจากที่ไป หย่างตลาดยามแลงๆมาได้ไก่บ้านมา
ล้างน้ำทำความสะอาด ขอลัดขั้นตอนการคัวไก่(เพื่อความสบายใจของคนที่รักษาศีลห้า)ขออภัยและขอบคุณเผิ่นแล้วละน้องไก่กะดาย
ผักหอมและเครื่องปรุง ครับ (ใบมะกรูด ตะไคร้ ข่าอ่อน)
ตั้งหม้อใส่น้ำพอเอ๊าะเจ๊าะ เพื่อซดน้ำแล้วก่ะ ทุบตะไคร้ ฝานข่าอ่อนเป็นแว่นๆ โยนลงใส่หม้อ 
พร้อมๆกับเกลือปรุงรสเพื่อความกลมกล่อม 
พอหม้อน้ำเดือด ก็เชิญน้องไก่ลงเล่นน้ำ อิอิ แล้วก็ปรุงรส แล้วก่ะปิดฝาหม้อจักคาว หม้อเดือดแล้ว ก่ะหยุ๋มผักใส่กันเมิ้ดเลยละ ปิดฝาหม้ออีกรอบ นับ 1-10 ในใจ ซิมรสชาตเบื้องต้น ผลที่ได้ ปรากฏว่าแซบ ครับ
ตักใส่ถ้วยเสริ์ฟทันที เพราะหิวข้าวจนตาลาย มื้อนี้ตะลอนทัวร์ไปทำธุระในเมืองจนบ่ได้กินข้าวเที่ยง สิกินกะพอกะเทินรวบยอดไปเป็นอาหารแลง พานะ มาบัดนิ พี่น้อง กินข่าวนำกัน